दक्षिण अफ्रिकी फुटबलर जेडन एडम्सको निधनबारे प्रहरीले थाल्यो अनुसन्धान

३० असार, काठमाडौं । दक्षिण अफ्रिकाका फुटबल खेलाडी जेडन एडम्सको मृत्युको विषयमा प्रहरीले अनुसन्धान सुरु गरेको छ । फिफा विश्वकप खेलेर फर्किएको केही समयमै उनको शव फेला परेको थियो । उक्त घटनाको प्रहरीले अनुसन्धान सुरु गरेको हो ।

दक्षिण अफ्रिकी राष्ट्रिय टोलीका २५ वर्षीय मिडफिल्डर एडम्स केप टाउनको स्कट्स क्लुफ भनिने इलाकाको एउटा घरमा मृत फेला परेका थिए । दक्षिण अफ्रिकन फुटबल खेलाडी संघले शनिबार उनको निधन भएको पुष्टि गरेको थियो । उनको मृत्युको कारण भने अहिलेसम्म खुलाइएको छैन ।