शहीद धर्मभक्त राष्ट्रिय प्रत्यारोपण केन्द्रमा कलेजो प्रत्यारोपण सेवा पुनः सुरु

भक्तपुर – शहीद धर्मभक्त राष्ट्रिय प्रत्यारोपण केन्द्र, भक्तपुरमा केही समयका लागि रोकिएको कलेजो प्रत्यारोपण सेवा पुनः सुरु भएको छ। सेवा पुनः सुरु भएसँगै केन्द्रमा सफलतापूर्वक कलेजो प्रत्यारोपण गरिएकी गंगा श्रेष्ठ स्वस्थ भएर घर फर्किएकी छन्।

गत असार १९ गते कलेजो प्रत्यारोपण गरिएकी काठमाडौं जिल्ला असन निवासी गंगा श्रेष्ठ प्रत्यारोपणको ११ औँ दिन (असार २९ गते) सकुशल डिस्चार्ज भएकी हुन्। उनका लागि आधा कलेजो दान देवर सञ्जय श्रेष्ठ भने असार २५ गते छैठौँ दिनमा नै डिस्चार्ज भइसकेका थिए। हाल कलेजो प्रत्यारोपित र अङ्गदाता दुवैको स्वास्थ्य अवस्था राम्रो रहेको कलेजो प्रत्यारोपण सर्जन डा. रामबाबु साहले जानकारी दिए।