सांस्कृतिक सम्पदा विधेयकको नाम फेर्न सांसदहरूको सुझाव

काठमाडौँ । प्रतिनिधि सभाका सांसदहरूले 'अभौतिक सांस्कृतिक सम्पदा (संरक्षण) विधेयक, २०८१' को नाम व्यवहारिक र भाषिक रूपमा उपयुक्त नभएको भन्दै यसलाई परिवर्तन गर्न सुझाव दिएका छन्। प्रतिनिधि सभा अन्तर्गतको अन्तर्राष्ट्रिय सम्बन्ध र पर्यटन समितिको बैठकमा मंगलबार भएको विधेयकमाथिको सैद्धान्तिक छलफलमा सांसदहरूले 'अभौतिक' शब्दको सट्टा 'अमूर्त' वा 'मौलिक' राख्न उपयुक्त हुने धारणा राखेका हुन्।

यसअघि राष्ट्रिय सभाको विधायन व्यवस्थापन समितिमा पनि यो नामबारे लामो विवाद भए तापनि अन्ततः 'अभौतिक' नै राखेर विधेयक पारित गरिएको थियो। राष्ट्रिय सभाबाट पारित भई आएको यो विधेयकमाथि अहिले प्रतिनिधि सभाको समितिमा दफावार छलफल चलिरहेको छ।