मिटरब्याजी पीडितलाई बाटाेमै रोक्ने गृहमन्त्रीको प्रयास, प्रतिवेदन सार्वजनिक गर्ने आश्वासन

काठमाडौँ । मिटरब्याजी पीडितहरू पैदल मार्च गर्दै काठमाडौँ आइरहेका छन्। ६ दिनको पैदल यात्रा गर्दै बाराको निजगढ पुगेका उनीहरूसँग सोमबार गृहमन्त्री सुधन गुरुङले छलफल गरेका छन्।

निजगढबाट बिहान काठमाडौँका लागि हिँड्न लागेका उनीहरूलाई स्थानीय प्रहरीले रोकेर गृहमन्त्री गुरुङ भेट्न चाहेको जानकारी दिएको थियो। केही बेरपछि त्यहाँ पुगेका गृहमन्त्री गुरुङले पीडितहरूको गुनासो सुन्दै सरकार समस्या समाधानका लागि तयार रहेको बताए। उनले थप माग भए लिखित रूपमा पेस गर्न पनि आग्रह गरे।