किटमा मृत्यु भएकी छात्राको परिवार वीरगन्जमा बस्दै आएको पुष्टि

पर्सा । भारतको ओडिसास्थित कलिंगा इन्स्टिच्यूट अफ इन्डस्ट्रियल टेक्नोलोजी (किट) विश्वविद्यालयमा मृत फेला परेकी नेपाली विद्यार्थी प्रिसा साहको परिवार वीरगञ्जमा बस्दै आएको पुष्टि भएको छ । प्रिसा सर्लाहीको मलंगवा घर भइ हाल वीरगन्ज–१५ बस्दै आएका श्याम साहकी छोरी भएको पुष्टि भएको हो ।

उनको मृत्युबारे कलेजले राती ९ बजे फोन गरेर जानकारी दिएको भाइ गौरव साहले जानकारी दिए । अहिले प्रिसाको घरपरिवारका सदस्य किट विश्वविद्यालय जाने तयारीमा लागेका छन् । प्रिसा एक वर्ष अगाडि मात्रै अध्ययनका लागि सो विश्वविद्यालयमा गएकी थिइन् ।