अमर पात्रका अमर कलाकार स्याम नील अब रहेनन्: विश्व सिनेमाले गुमायो आफ्नो एक महान् कथा नायक

विश्व चलचित्र क्षेत्रमा आफ्नो अमिट छाप छोडेका चर्चित अभिनेता स्याम नील को ७८ वर्षको उमेरमा निधन भएको छ। ‘जुरासिक पार्क’ चलचित्रमा डा. एलन ग्रान्टको ऐतिहासिक भूमिका निभाएर विश्वभर परिचित बनेका नीलको अस्ट्रेलियाको सिड्नीमा अचानक र अप्रत्याशित रूपमा निधन भएको उनको परिवारले जानकारी दिएको छ।

परिवारका अनुसार, नीलले केही समयअघि नन–हजकिन्स लिम्फोमा (Non-Hodgkin’s Lymphoma) नामक क्यान्सरसँग संघर्ष गरेका थिए। उपचारपछि उनी क्यान्सरमुक्त भएका थिए र पछिल्लो समय स्वस्थ जीवन बिताइरहेका थिए। तर, उनको निधन अचानक भएको बताइएको छ, जसले उनका परिवार, सहकर्मी र विश्वभरका प्रशंसकलाई गहिरो दुःखमा पारेको छ।