‘गौंथली’ : पढाइ, बालविवाह र अटिजमको संवेदनशील कथा

कथाको सुरुवात कक्षा ८ को कोठाबाट हुन्छ, जहाँ केटा–केटीहरूमाझ एक छात्रा ‘गौंथली’ अध्ययनरत छिन्। उनको पढाइप्रतिको लगाव अरूभन्दा फरक छ। निर्माता सुमन गिरीका अनुसार यो कथा २०६० सालको हो। त्यो बेला एउटा यस्तो गाउँ थियो, जहाँ कक्षा ८ भन्दा माथि कुनै पनि छोरीले अध्ययन गरेकी थिइनन्। ‘छोरी मान्छेले धेरै पढेर के गर्ने?’ भन्ने मानसिकता बोकेका मानिसहरूको वर्चस्व रहेको समाजमा गौंथलीजस्ती छात्राको पढाइको यात्रा कहाँसम्म पुग्ला भन्ने प्रश्नबाट कथा अघि बढ्छ।

यो कथा केवल बालविवाहको मात्र होइन, कथाका मुख्य पात्र ‘ठुले’ को पनि हो, जसको चरित्र सामान्य छैन। उनी एक क्षणमा करुणामयी देखिन्छन् भने अर्को क्षणमा हिंसात्मक बन्ने प्रवृत्ति राख्छन्।