रासायनिक मलको आपूर्ति सहज बनाउन सांसदहरूको माग

प्रतिनिधिसभाका सांसदहरूले मुलुकका समसामयिक विषयमा सरकारको ध्यानाकर्षण गराएका छन्। प्रतिनिधिसभाको मंगलबार बसेको बैठकको विशेष समयमा सांसदहरूले समयमै रासायनिक मल उपलब्ध गराउनुपर्ने, सुकुम्बासीका समस्या समाधान गर्नुपर्ने, विपद्को पूर्वतयारीलाई प्रभावकारी बनाउनुपर्ने लगायतका विषयमा सरकारको ध्यानाकर्षण गराएका हुन्।

बैठकमा सांसद सन्दीप रानाले किसानले रासायनिक मल नपाएर हाहाकार भोगिरहेको, रेबीज र क्यान्सरका बिरामी उपचार नपाएर अलपत्र परेको, बालबालिका कुपोषणको सिकार बनेको तथा युवाहरू विदेश पलायन भइरहेको उल्लेख गर्दै यी विषयमा सरकारको ध्यान जानुपर्ने बताए।