सर्वोच्चको नयाँ नजिर– समूहगत अपराधमा सजाय एकमुष्ट होइन, भूमिका अनुसार !

नेपालगञ्जका चेतन मानन्धर हत्या प्रकरणमा फैसला सुनाउँदै सर्वोच्च अदालतले समूहगत अपराधमा संलग्न हरेक व्यक्तिको भूमिका र कसुरको मात्रा फरक-फरक हुने भएकाले सबैलाई एकमुष्ट जन्मकैदको सजाय दिनु न्यायसंगत नहुने व्याख्या गरेको छ ।

सर्वोच्च अदालतका न्यायाधीशद्वय हरिप्रसाद फुयाल र मेघराज पोखरेलको संयुक्त इजलासले २०८२ साल चैत २२ गते गरेको यस फैसलाको पूर्णपाठमा त्यस विषयमा व्याख्या गरिएको छ ।