अर्बिट समूहद्वारा भ्याटसहितको वैधानिक पीटीई सेवा सुरु

काठमाडौँ। अर्बिट समूहले नेपालमा मूल्य अभिवृद्धि कर (भ्याट) सहितको वैधानिक पीटीई सेवा सञ्चालनमा ल्याएको छ। शैक्षिक प्रविधि कम्पनी अप्लाई बोर्डसँगको सहकार्यमा समूहले मंगलबारदेखि उक्त सेवा सुरु गरेको हो।

समूहका प्रबन्ध निर्देशक सुनील रेग्मीले नेपाल सरकारको प्रचलित कर कानुनअनुसार भ्याट बिल जारी गरी पीटीई भौचर उपलब्ध गराउने अधिकार प्राप्त आधिकारिक वितरक अर्बिट रहेको बताए। उनका अनुसार अर्बिटले जारी गर्ने भ्याट बिलमार्फत ग्राहकले वैधानिक रूपमा पीटीई परीक्षा शुल्क तिर्न सक्नेछन्।