पुँजी बजार सुधारको कार्ययोजना आउने भए पछि लगानीकर्ता ब्याक, बजारमैत्री नआए सेयर बजार ठप्प पार्ने चेतावनी

सेयर बजारमा सुधारको माग गर्दै मंगलबार सेयर बजारका लगानीकर्ताहरु बिहानै देखि नेपाल धितोपत्र बोर्डमा ताला लगाउने भन्दै पुगे । अघिल्लो दिन नै फेसबुक लाइभमा आएर बोर्डमा ताला लगानउने जानकारी गराएका थिए । बोर्डमा ताला लगाउने भन्ने विषयमा अग्रिम जानकारी भए पछि लगानीकर्ता भन्दा पहिले सेबोनमा प्रहरी पुग्यो ।

लगानीकर्ता पुग्नु भन्दा करिब १ घण्टा अघि बोर्डमा सुरक्षाका लागि पुगेका प्रहरीले तालाबन्दी गर्न नदिने बताए पछि लगानीकर्ताहरुले केही समय बोर्डको गेटमा भेला भए । करिब ३ घण्टाको बोर्ड गेट बाहिर रहेका प्रहरी र लगानीकर्ता बिची केही विषयमा भनाभन जस्तो बाहेक कुनै खालको ठेलमठेलको अवस्था सिर्जना भएन् । लामो समको प्रतिक्षा पछि पनि ताला लगाने अवस्था नदेखेका लगानीकर्ताहरु केही सुस्ताको अवस्था थियो । उनीहरु अब त्यहाँबाट फर्किनु पर्छ भन्ने अवस्थामा पुगिसकेका थिए । सोही बेला ताला लगाउने र दबाब दिने कार्यक्रममो नेतृत्व गरेका तिलक कोइरालाई नेपाल धितोपत्र बोर्डका अध्यक्ष गोपाल भट्टले फोन गरे । फोनमा उनले सेयर बजारको सुधारको लागि मंगलबार साँझ सम्ममा कार्ययोजना सार्वजनिक गर्ने आश्वासन दिँदै लगानीकर्तालाई आश्वासन दिए ।