म्याद अगावै सकियो सिद्धबाबा वैकल्पिक मार्गको कालोपत्रे

काठमाडौँ। नेपालमा विकास निर्माणका आयोजनाहरू समयमै नसकिएर अलपत्र पर्ने र वर्षौँसम्म म्याद थप्नुपर्ने समाचारहरू सामान्य जस्तै बनेका छन्। तर, पाल्पाको एउटा महत्त्वपूर्ण सडक आयोजना भने म्याद सकिनु महिनौँ अगावै सम्पन्न भएको छ।

लुम्बिनी प्रदेश सरकार, पूर्वाधार विकास मन्त्रालयअन्तर्गतको सडक पूर्वाधार विकास कार्यालय पाल्पा र आर.पी./गोसाईंकुण्ड/गाईखुरा जेभी बिच सम्झौता भएको दोभान–नुवाकोट–बेलबास सडक (सिद्धबाबा वैकल्पिक मार्ग) को कालोपत्रे गर्ने काम समय अगावै ९९ प्रतिशत सम्पन्न भएको हो।