भुटानी शरणार्थी प्रकरण: बालकृष्णलाई २ वर्ष कैद, टोपबहादुर र टेकनारायणलाई ४ वर्ष

बहुचर्चित नक्कली भुटानी शरणार्थी प्रकरणमा दोषी ठहर भएका पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाण र पूर्वगृहसचिव टेकनारायण पाण्डेसहितका कसुरदारहरूलाई जिल्ला अदालत काठमाडौंले कैद र जरिबानाको सजाय तोकेको छ।

न्यायाधीश तेजबहादुर खड्काको इजलासले मंगलबार यस प्रकरणमा दोषी ठहर भएका प्रतिवादीहरूको सजाय निर्धारण गरेको हो।