एसिया कप छनोट प्रतियोगिताः मलेसियाविरुद्ध नेपालको धमाकेदार ब्याटिङ

एसिया कप क्रिकेट पुरुष छनोटमा नेपालले मलेसियाविरुद्ध धमाकेदार ब्याटिङ गरिरहेको छ। सिंगापुरमा जारी खेलको १० ओभरको समाप्तिमा नेपालले एक विकेटको क्षतिमा १५६ रन बनाएको छ।

ओपनर आसिफ शेख ६८ रनमा भिरन्दीप सिंहको बलमा क्याच आउट भए। मात्र २४ बल खेलेका उनले ७ छक्का र ५ चौका प्रहार गरे। कुशल भुर्तेलसँग मिलेर आसिफले ८.४ ओभरमा पहिलो विकेटका लागि १३४ रनको साझेदारी गरे।