नेपाल पर्यटन बोर्डमा निजी क्षेत्रबाट पाँच बोर्ड सदस्य नियुक्त

काठमाडौँ । नेपाल पर्यटन बोर्डको बोर्ड सदस्य छनोट समितिले खुला प्रतिस्पर्धात्मक प्रक्रियामार्फत निजी क्षेत्रबाट पाँच जना बोर्ड सदस्य नियुक्त गरेको छ ।

नियुक्त हुने बोर्ड सदस्यहरूमा सन्तोष पोखरेल, श्रीजना के.सी, पेम्बा शेर्पा, खुमबहादुर सुवेदी तथा डा. शोभिता श्रेष्ठ ढकाल रहेका छन् । पर्यटन ऐन तथा प्रचलित कानुनी व्यवस्थाअनुसार गठित बोर्ड सदस्य छनोट समितिले खुला आवेदन प्रक्रियामार्फत प्राप्त आवेदनहरूको मूल्याङ्कनपछि उहाँहरूलाई बोर्ड सदस्यका रूपमा नियुक्त गरेको हो ।