विभिन्न परिषद्, अस्पताल र बोर्डका पदाधिकारी नियुक्तिका लागि संक्षिप्त सूची सार्वजनिक

काठमाडौँ । ​स्वास्थ्य तथा खाद्य स्वच्छता मन्त्रालयले विभिन्न परिषद्, अस्पताल तथा बोर्डहरूमा रिक्त रहेका पदाधिकारी पदहरूको नियुक्तिका लागि संक्षिप्त सूचीमा परेका उम्मेदवारहरूको नामावली सार्वजनिक गरेको छ।

मन्त्रालयले गठन गरेको पदाधिकारी सिफारिस समितिको निर्णयअनुसार नेपाल नर्सिङ परिषद्को अध्यक्ष, उपाध्यक्ष र रजिस्ट्रार, स्वास्थ्य बिमा बोर्डको अध्यक्ष तथा सहिद गंगालाल राष्ट्रिय हृदय केन्द्रको कार्यकारी निर्देशक पदका लागि आवेदन दिएका उम्मेदवारहरूको मूल्याङ्कन गरी वर्णानुक्रमअनुसार सूची प्रकाशन गरिएको हो।