भोजनबाट अन्डा हटेपछि भारतमा पोषणसम्बन्धी बहस

काठमाडाैँ ।पश्चिम बङ्गालका सरकारी विद्यालयको मध्याह्न भोजनबाट अन्डा हटाएर शाकाहारी भोजन लागू गर्ने निर्णयले भारतमा राजनीतिक, सामाजिक र पोषणसम्बन्धी बहस चर्किएको छ। आलोचकहरूले यसलाई बालबालिकामाथि शाकाहार थोपर्ने प्रयासको संज्ञा दिएका छन् भने राज्य सरकारले नयाँ व्यवस्थाले पौष्टिक आहारमा कुनै कमी नआउने दाबी गरेको छ।

हालै सम्पन्न प्रादेशिक निर्वाचनपछि पहिलो पटक पश्चिम बङ्गालमा सत्तामा आएको भारतीय जनता पार्टी (भाजपा) नेतृत्वको सरकारले राज्य सञ्चालित विद्यालयमा निःशुल्क शाकाहारी भोजन उपलब्ध गराउने जिम्मेवारी धार्मिक संस्था अन्तर्राष्ट्रिय कृष्ण चेतना समाज (इस्कोन) लाई दिएपछि यसअघिसम्म नियमित रूपमा दिइने अन्डा मेनुबाट हटाइएको हो।