हवाई इन्धन सस्तो भएपछि आन्तरिक उडानको भाडा घट्यो, यात्रुले पाउनेछन् ३६० देखि १,७६५ रुपैयाँसम्म राहत

काठमाडौं । आन्तरिक हवाई यात्रुका लागि राहतको खबर आएको छ। नेपाल आयल निगमले हवाई इन्धनको मूल्य प्रतिलिटर ४० रुपैयाँले घटाएपछि त्यसको प्रत्यक्ष प्रभाव विमान भाडामा परेको छ। वायुसेवा कम्पनीहरूले इन्धन शुल्क समायोजन गर्दै विभिन्न गन्तव्यको हवाई भाडा ३६० रुपैयाँदेखि १,७६५ रुपैयाँसम्म घटाएका छन्।

बुधबारदेखि लागू भएको नयाँ व्यवस्थाअनुसार नेपाल नागरिक उड्डयन प्राधिकरणले स्वीकृत गरेको संशोधित इन्धन शुल्कका आधारमा वायुसेवा कम्पनीहरूले नयाँ भाडादर कार्यान्वयनमा ल्याएका हुन्।