मोबाइल चोरीको आरोपमा बालबालिकालाई रुखमा बाँधेर कुटपिट गर्ने चार महिला पक्राउ

काठमाडौं । बाराको जीतपुरसिमरा उपमहानगरपालिकामा मोबाइल चोरीको आरोपमा चार जना बालबालिकालाई रुखमा बाँधेर कुटपिट गरेको आरोपमा चार जना महिला पक्राउ परेका छन् ।

जिल्ला प्रहरी कार्यालय बाराका अनुसार यही १६ असार बिहान करिब ९:०० बजे जीतपुरसिमरा–१६, टाँगिया बस्तीमा यो घटना भएको हो । स्थानीय सार्वजनिक चौतारामा रहेको बरको रुखको फेदमा बालबालिकालाई डोरीले बाँधेर निर्घात कुटपिट गरिएको थियो ।