सङ्घीय संसद्का दुवै सदनको बैठक बस्दै, यस्तो छ सम्भावित कार्यसूची

काठमाडौँ । सङ्घीय संसद्अन्तर्गत आज बुधबार प्रतिनिधि सभा र राष्ट्रिय सभा दुवै सदनको बैठक बस्दैछ। संसद् सचिवालयले तय गरेको कार्यसूची अनुसार बिहान ११ बजे प्रतिनिधि सभाको बैठक बस्नेछ भने दिउँसो सवा १ बजे राष्ट्रिय सभाको बैठक बस्ने तयारी छ।

आज बस्ने प्रतिनिधि सभाको बैठकमा प्रधानमन्त्री वालेन्द्र साहको तर्फबाट कानून, न्याय तथा संसदीय मामिला मन्त्री सोविता गौतमले राष्ट्रिय मानव अधिकार आयोगको अठारौँ वार्षिक प्रतिवेदन (२०८१ साउन–२०८२ असार मसान्तसम्म), राष्ट्रिय सूचना आयोगको वार्षिक प्रतिवेदन आर्थिक वर्ष २०८१/०८२ र राष्ट्रिय समावेशी आयोगको सातौँ वार्षिक प्रतिवेदन आर्थिक वर्ष २०८१/०८२ पेस गर्ने कार्यसूची रहेको छ।