नेपालमै पहिलोपटक ट्यावबाट लाइसेन्सको लिखित परीक्षा

पोखरा । गण्डकी प्रदेश मातहत रहेको नवलपुरको कावासोती यातायात व्यवस्था कार्यालयले नेपालमै पहिलो पटक ट्यावलेटबाट सवारी चालक अनुमतिपत्रको लिखित परीक्षा लिएको छ । लिखित परीक्षा बदनाम हुन थालेपछि कार्यालयले पारदर्शी र आधुनिक बनाउन ट्यावलेट प्रयोग गरेको हो ।

ट्यावलेट प्रविधिको गण्डकी प्रदेशका भौतिक पूर्वाधार विकास तथा यातायात व्यवस्था मन्त्री गोविन्द बहादुर नेपालीले औपचारिक उद्घाटन गरेका छन् । यसको कार्यान्वयन सँगै यातायात क्षेत्रको सेवा प्रवाहलाई चुस्त र मर्यादित बन्ने दाबी गरिएको छ ।