बाढीपीडितका लागि जय नेपाल पार्टीको साढे ६ लाख सहयोग

काठमाडौं । जय नेपाल पार्टीले भोटेकोसी र त्रिशूली नदी तटीय क्षेत्रमा आएको भीषण बाढीबाट प्रभावितको राहत तथा उद्धारका लागि प्रधानमन्त्री दैवी प्रकोप उद्धार कोषमा ६ लाख ५१ हजार ६७६ रुपैयाँ सहयोग गरेको छ ।

पार्टीले बुधबार एक प्रेस विज्ञप्ति जारी गर्दै बाढीबाट ठूलो मानवीय क्षति भएको कठिन घडीमा राहत तथा उद्धार कार्यमा सहयोग पुर्‍याउने उद्देश्यले उक्त रकम कोषमा जम्मा गरेको जनाएको हो ।