पछिल्ला वर्षमा कानुन निर्माणको गति सुस्त भयो

प्रदेश सभा कानुन निर्माण गर्ने थलो हो । प्रदेशका लागि आवश्यक कानुन निर्माणमा प्रदेश सभाको मुख्य भूमिका हुन्छ । बागमती प्रदेश सभाको दोस्रो कार्यकाल अन्तिम वर्षमा यात्रारत छ ।

बागमती प्रदेश सभाको पहिलो कार्यकालमा प्रशस्त कानुन निर्माण भए । भर्खरै सङ्घीयतामा गएका कारण पनि त्यतिबेला प्रदेश सरकार सञ्चालनमा थुप्रै कानुन आवश्यक थियो । सोही अनुसार पहिलो कार्यकालमा प्रदेश सभाले कानुन निर्माणलाई प्राथमिकता दियो । यद्यपि, दोस्रो कार्यकालमा कानुन निर्माण तुलनात्मक रूपमा कम भएको छ ।