जितुको कार्की साइँला असोजमा

अभिनेता जितु नेपालको मुख्य भूमिका रहेको फिल्म कार्की साइलाको रिलिज डेट फेरिएको छ। साउन १ गते प्रदर्शनमा आउने तयारीमा रहेको फिल्म अब असोज २ गतेबाट हलमा आउने भएको छ।

निर्माण पक्षले एक पोस्टर सार्वजनिक गर्दै नयाँ रिलिज डेट घोषणा गरेको हो। नयाँ पोस्टरमा जितु नेपाल र अभिनेत्री प्रियना आचार्य (मुन्नी) रोमान्टिक मुद्रामा देखिएका छन्। पोस्टरले फिल्ममा प्रेमकथाको पाटोलाई संकेत गरे पनि शीर्षकले भने एक भरियाको जीवन र संघर्षको कथा बोकेको आभास गराउँछ।