दुई महिनामा १७ सय सहकारी पीडितलाई बचत फिर्ता

काठमाडौं । पछिल्ला दुई महिनामा समस्याग्रस्त सहकारी संस्थाका एक हजार ७ सय ५४ बचतकर्ताले करिब साढे २ करोड रुपैयाँ पैसा फिर्ता पाएका छन्। संघीय सरकारले समस्याग्रस्त घोषणा गरेका २३ वटा सहकारीमध्ये १० वटा संस्थाका १ हजार ७ सय ५४ जना बचतकर्ताले पैसा फिर्ता पाएका हुन्। यो असार १५ सम्म पैसा फिर्ता गरेको विवरण हो।

समस्याग्रस्त सहकारी व्यवस्थापन समितिका अनुसार संघीय सरकारले समस्याग्रस्त घोषणा गरेका सहकारी व्यवस्थापन गरिरहेको छ। जसअनुसार समितिले ती सहकारीका ऋण असुली र बचत फिर्ताको काम गर्दै आएको छ। सोही क्रममा सरकारले अध्यादेशमार्फत सहकारी ऐन संशोधन गरेपछि बचत फिर्ताका लागि चक्रीय कोष स्थापना गरेको छ।