प्रयोगशालामा गोपनीयता र व्यक्तिगत निजताको पूर्ण संरक्षण सुनिश्चित गर्नुपर्छ : डा शेरचन

काठमाडौं- प्रतिनिधि सभाको शिक्षा, स्वास्थ्य तथा सूचना प्रविधि समितिकी सभापति डा. ओजस्वी शेरचनले डीएनए तथा विधि विज्ञान (फरेन्सिक) परीक्षणसँग सम्बन्धित व्यक्तिको गोपनीयता, प्रयोगशालाको अन्तर्राष्ट्रिय मान्यता तथा सञ्चालन समितिको भूमिकालाई थप प्रभावकारी बनाउन कानुनी व्यवस्था आवश्यक रहेको बताएकी छन्।

समितिको बैठकमा सम्बन्धित विधेयकमाथिको छलफलका क्रममा बोल्दै शेरचनले डीएनए तथा विधि विज्ञान परीक्षणमा बिरामी तथा सम्बन्धित व्यक्तिको जानकारी अत्यन्त संवेदनशील हुने भएकाले गोपनीयता र व्यक्तिगत निजताको पूर्ण संरक्षण सुनिश्चित गर्नुपर्ने धारणा राखिन्।