अब आइफोनमा आइक्लाउडबिनै ह्वाट्सएप च्याट ब्याकअप गर्न सकिने

काठमाडौं । ह्वाट्सएपले आइफोन प्रयोगकर्ताका लागि एप्पलको आइक्लाउडमा निर्भर रहनुपर्ने बाध्यता हटाउने गरी नयाँ क्लाउड ब्याकअप फिचर विकास गरिरहेको छ । यो सुविधा लागू भएपछि प्रयोगकर्ताले आफ्ना च्याटहरू आइक्लाउडको सट्टा ह्वाट्सएपकै क्लाउड सर्भरमा सुरक्षित रूपमा ब्याकअप गर्न सक्नेछन् ।

हाल यो फिचर विकासकै चरणमा रहेकाले सार्वजनिक परीक्षण (बीटा) संस्करणमा समेत उपलब्ध भइसकेको छैन । यसअघि ह्वाट्सएपले एन्ड्रोइड प्रयोगकर्ताका लागि पनि गुगल ड्राइभको विकल्पस्वरूप आफ्नै क्लाउड ब्याकअप सेवा विकास गरिरहेको जानकारी सार्वजनिक भएको थियो ।