संघीय सांसद खत्रीमाथि खनिए बागमतीका मन्त्री थापा, विचाराधीन मुद्दालाई प्रभावित पार्ने प्रयास गरेको आरोप

हेटौंडा । बागमती प्रदेशका श्रम, रोजगार तथा यातायात मन्त्री जयराम थापाले राष्ट्रिय स्वतन्त्र पार्टीका संघीय सांसद राजीव खत्रीको अभिव्यक्तिको प्रतिवाद गरेका छन् ।

मंगलबार संघीय संसद्को प्रतिनिधिसभा बैठकमा सांसद खत्रीले सवारीचालक अनुमतिपत्र (लाइसेन्स) लिने क्रममा स्वास्थ्य परीक्षण शुल्क सम्बन्धमा बागमती प्रदेशका मुख्यमन्त्री र यातायातमन्त्रीमाथि छानबिनको माग गरेपछि मन्त्री थापाले विज्ञप्तिमार्फत आपत्ति जनाएका हुन् ।