पूर्वप्रतिबद्धता अनुरूप नै कर्णालीमा कांग्रेसका मन्त्रीहरूले दिए राजीनामा, अब के हुन्छ ?

सुर्खेत । कर्णालीमा नेपाली कांग्रेसबाट सरकारमा सहभागी मन्त्रीहरूले बुधबार बिहान राजीनामा दिएका छन् । आर्थिक मामिला तथा योजना मन्त्रीमा राजीवविक्रम शाह, सामाजिक विकास मन्त्री घनश्याम भण्डारी, जलस्रोत तथा ऊर्जा मन्त्री विजया बुढा र उद्योग, पर्यटन, वन तथा वातावरण मन्त्री सुरेश अधिकारीले संयुक्त रूपमा राजीनामा दिएका हुन् ।

उनीहरू २०८१ साउनमा मन्त्री बनेका थिए । रातोपाटीलाई उपलब्ध स्रोतका अनुसार, आर्थिक मामिला तथा योजनामन्त्री रहेका शाह हाल बैंककमा छन् । उपचारका लागि गएका उनी सुर्खेतबाट जाँदाखेरि नै कांग्रेस संसदीय दलका नेता जीवनबहादुर शाहीकहाँ राजीनामा दिएर गएका थिए ।