यस्तो छ काठमाडौं उपत्यकाका ग्यास उद्योगहरूको ‘रिफिलिङ’ व्यवस्था

कृष्णभीरको पहिरोका कारण मुग्लिन–थानकोट सडक अवरुद्ध भएपछि काठमाडौं उपत्यका र आसपासका क्षेत्रमा खाना पकाउने एलपी ग्यासको आपूर्ति सहज बनाउन नेपाल आयल निगमले उपत्यका केन्द्रित ग्यास उद्योगलाई उपत्यकाबाहिरका उद्योगबाट रिफिलिङ गर्ने व्यवस्था मिलाएको छ।

निगमका अनुसार काठमाडौं, धादिङ र काभ्रेमा मुख्य कार्यालय वा प्लान्ट रहेका १८ वटा ग्यास उद्योगलाई तराई तथा भित्री मधेशका विभिन्न जिल्लामा रहेका उद्योगबाट ग्यास भर्ने सुविधा दिइएको हो।