एमाले निकट अनेरास्ववियुले सिंहदरबारको मूल गेटमै बाइक पार्किङ प्रदर्शनकारी पक्राउ

नेकपा एमाले निकट विद्यार्थी संगठन अनेरास्ववियुले बुधबार बिहान सिंहदरबारको दक्षिण गेट अगाडि मुख्य सडकमा मोटरसाइकल तेर्स्याएर आकस्मिक विरोध प्रदर्शन गरेको छ।

सोमबार काठमाडौंका केही स्थापित मिडिया हाउस र प्रतिपक्षी दलका नेताको निवास अगाडि शंकास्पद रूपमा गाडी पार्किङ गरेर सरकारले त्रास सिर्जना गरेको भन्दै त्यसको सांकेतिक विरोधमा विद्यार्थीहरू सडकमा उत्रिएका हुन्। प्रदर्शनका क्रममा प्रहरीले हस्तक्षेप गरी अनेरास्ववियुका केन्द्रीय अध्यक्ष दीपक धामीसहित ६ जना नेताहरूलाई नियन्त्रणमा लिएको छ ।