भारतले मंगलुरुमा नयाँ रणनीतिक तेल भण्डार निर्माण गर्ने

भारतको सबैभन्दा ठुलो तेल अन्वेषण सरकारी कम्पनी ‘ओयल एण्ड नेचुरल ग्याँस कर्पोरेसन’ले दक्षिण भारतको मंगलुरुमा १.७५ मिलियन मेट्रिक टन (करिब १३ मिलियन ब्यारेल) क्षमताको नयाँ रणनीतिक पेट्रोलियम भण्डार निर्माण गर्ने भएको छ ।

विश्वकै तेस्रो ठुलो तेल आयातकर्ता र उपभोक्ता देश भारत इरान युद्धका क्रममा हर्मुज स्ट्रेटमा भएको नाकाबन्दीका कारण प्रभावित भएको थियो । विश्वको कुल ऊर्जा आपूर्तिको करिब पाँचौँ हिस्सा सोही जलमार्ग हुँदै ओसारपसार हुने गर्दछ । यस्तो भूराजनीतिक संकटका बेला आफ्नो आपतकालीन मौज्दातलाई सुदृढ गर्न भारतले अहिले अन्य देशहरूसँगको ऊर्जा सहकार्यलाई तीव्र रूपमा अघि बढाइरहेको समाचारमा उल्लेख छ ।