फ्याक्टचेक: पोखरा-मुग्लिन सडकमा पहिरो भन्दै दुई वर्ष पुरानो झ्याप्ले खोलाको भिडिओ भाइरल

काठमाडौं । सामाजिक सञ्जालमा पोखरा-मुग्लिन सडक खण्डमा पहिरो गएको भन्दै एउटा भिडिओ भाइरल भइरहेको छ । यात्रुबाहक बससहित ठुला मालबाहक गाडीहरूसमेत पहिरोमा पुरिएको देखिने भिडिओ सामाजिक सञ्जालमा भाइरल भएको हो ।

तर टेकपाना फ्याक्टचेक डेस्कको अनुसन्धानमा उक्त भिडिओ दुई वर्ष पुरानो रहेको पुष्टि भएको छ । १२ असोज २०८१ मा नागढुङ्गा-मुग्लिन सडकखण्ड अन्तर्गत पर्ने धादिङको झ्याप्ले खोलामा गएको पहिरोको भिडिओलाई हालैको भन्दै भ्रम फैलाएको तथ्यजाँचका क्रममा पुष्टि भएको हो ।