गणेश नेपालीको अग्नि विद्रोह र गोठालो पुँजीवाद

सुकुम्वासीको बिल्लिबाठ छ अहिले । खासगरी सरकारले राजधानी लगायत देशका सहर केन्द्रित नदी किनारामा वर्षौँदेखि बसोबास गर्दै आएका भूमिहीन गरिब सुकुम्बासीहरुलाई विना पुर्व तयारी थातथलोबाट लखेटेपछि यो समस्या पेचिलो बनेको छ । र, दुनियाँले नेपालमा गरिबप्रति सरकारको बक्रदृष्टि छर्लङ्ग देख्न थालेका छन् ।

लुकाएर नलुक्ने सामाजिक सञ्जालको भुमण्डलीकृत आजको दुनियाँ गरिबप्रति पुरानाहरू भन्दा कता हो कता यो सरकार कठोर र अमानवीय देखिएको छ । सरकारले केही महिना अघि मात्र राजधानीका नदी किनाराबाट कीर्तिपुर, वनेपासहित विभिन्न ठाउँका होल्डिङ्ग सेन्टरमा सुकुम्बासीहरुलाई अस्थायी रूपमा राखेको छ ।