नेपाली यू-१९ महिला क्रिकेट टोली एसिया कपमा छनोट

३१ असार, काठमाडौं । नेपाली महिला यू-१९ क्रिकेट टोली एसिया कपमा छनोट भएको छ । बुधबार भएको एसीसी यू–१९ महिला प्रिमियर कप क्वाटरफाइनलमा जापानलाई ९ विकेटले पराजित गर्दै सेमिफाइनल पुगेपछि नेपाल एसिया कपमा पनि छनोट भएको हो ।

जापानले दिएको ८७ रनको लक्ष्य नेपालले ११.२ ओभरमा १ विकेटको क्षतिमा पूरा गर्‍यो । साबित्री धामी ४१ रनमा अविजित रहँदा कप्तान सोनी पाख्रिन र सना प्रवीणले समान १८ रन बनाए ।