आईपीओको ‘१० कित्ते’ नीति पुनरावलोकन गर्न अर्थ मन्त्रालयको सुझाव

काठमाडौँ। अर्थ मन्त्रालयका सहसचिव महेश आचार्यले प्राथमिक सेयर (आईपीओ) मा लागू गरिएको १० कित्ते नीतिको पुनरावलोकन गर्नुपर्ने आवश्यकता औँल्याएका छन्।

प्रतिनिधि सभाको अर्थ समितिको बैठकमा बोल्दै उनले १० कित्ते नीति पुनरावलोकन गर्ने बेला आएको बताएका हुन्। यस नीतिले धितोपत्र बजारमा दीर्घकालीन लगानी संस्कृतिको विकास गर्नुको सट्टा छोटो अवधिको नाफामुखी प्रवृत्ति बढाएको उनको भनाइ छ।