बुद्ध मात्र पढाउने कि बुद्धको दृष्टिले संसार पढाउने?

विषय कि विधि?

बुद्धले गणितको सूत्र लेखेनन्, चिकित्साशास्त्रको ग्रन्थ रचेनन्, राज्य सञ्चालनको विधान तयार पारेनन्। तर उनले मानिसलाई यस्तो विधि दिए, जसले ज्ञानका सबै क्षेत्रलाई नैतिकता, करुणा र विवेकको उज्यालोमा हेर्न सिकायो। उनले जीवनगत्‌लाई हेर्ने नयाँ विधि दिएका थिए । त्यसैले बुद्धको सबैभन्दा ठूलो योगदान कुनै एउटा विषयको ढाँचा तयार पार्नु होइन; समस्याबाट बाहिर निस्कने विधिको आविष्कार हो।