वामदेव भन्छन्ः प्रचण्डले पार्टी मिलाउन कोसिस गर्नुस् न त भन्नुभयो, म निरन्तर लागिरहेको छु

नेकपाका उपाध्यक्ष वामदेव गौतमले दुई समूहमा बाँडिएको पार्टी एकताका लागि अन्तिमसम्म प्रयास गर्ने प्रतिवद्धता फेरि जनाएका छन्। शुक्रबार बिहान अध्यक्ष पुष्पकमल दाहाल प्रचण्डसँग भेटवार्ता गरेर दिउँसो राष्ट्रिय सभाको सदस्यका रुपमा पहिलो पटक बैठकमा उपस्थिति भएका गौतमले अहिले पनि पार्टी एकताको सम्भावना उत्तिकै रहेको दाबी गरे।

प्रधानमन्त्री केपी शर्मा ओली र प्रचण्डले आ–आफ्नो समूहमा सहभागी हुन आग्रह गरिरहेको तर आफु भने पार्टी एकताका लागि राष्ट्रिय अभियान नै घोषणा गर्ने तयारीमा रहेको गौतमले खुलाए।