भेनेजुएला भूकम्पको एक सातापछि भग्नावशेषमा सुरक्षा गार्ड जीवितै फेला, उद्धार जारी

काठमाडौँ । भेनेजुएलामा गएको विनाशकारी जुम्ल्याहा भूकम्पको एक सातापछि पनि साततले भवनको भग्नावशेषमुनि जीवितै रहेका ४३ वर्षीय सुरक्षा गार्ड हर्नान गिलको उद्धार कार्य अन्तिम चरणमा पुगेको छ।

सात देशका सयौँ उद्धारकर्मीहरूले लगातार तीन दिनदेखि चौबीसै घण्टा चलाएको संयुक्त अभियानपछि बुधबार साँझसम्म उनीहरू गिलको अवस्थितिभन्दा मात्र एक मिटरको दूरीमा पुगेका छन्। गिल जुन २४ मा आएको ७ दशमलव २ र ७ दशमलव ५ म्याग्निच्युडको भूकम्पका बेला तटीय क्षेत्र काटिया ला मारस्थित आफू कार्यरत भवनको सुरक्षा बुथभित्र फसेका थिए।