‘सास फेर्ने ठाउँ’ खोज्दैछ बैंकिङ क्षेत्र, निजी क्षेत्रसँग छैनन् ठोस एजेन्डा

काठमाडौँ । केन्द्रीय बैंक यतिबेला मौद्रिक नीति तर्जुमाको प्रक्रियामा छ । बजेटमा सरकारले लिएको आर्थिक वृद्धिको लक्ष्य पूरा गर्न र देशको आर्थिक तथा मौद्रिक स्थायित्वको उद्देश्यसहित हरेक वर्ष नेपाल राष्ट्र बैंकले मौद्रिक नीति ल्याउँदै आएको छ ।

यसकै निरन्तरता स्वरुप राष्ट्र बैंकको आर्थिक अनुसन्धान विभागले यसमा काम गरिरहेको छ । विभागले आफ्नो काम सकेपछि उक्त मस्यौदा व्यवस्थापन हुँदै राष्ट्र बैंक सञ्चालक समितिबाट पास हुनेछ । त्यसपछि नयाँ आर्थिक वर्षको मौद्रिक नीति सार्वजनिक हुनेछ । यसपटक असार अन्तिम सातामा नीति सार्वजनिक गर्ने तयारी भइरहेको राष्ट्र बैंककी सह-प्रवक्ता सुधा श्रेष्ठ बताउँछिन् ।