गुगल जीमेल र गुगल किपमा आउँदै एआई भ्वाइस फिचर, बोलेरै नोट बनाउन र इमेल व्यवस्थापन गर्न सकिने

काठमाडौं । गुगलले मे महिनामा आयोजित आफ्नो वार्षिक गुगल आई/ओ डेभलपर सम्मेलनका क्रममा नयाँ एआई फिचरहरूको झलक देखाएको थियो । यी फिचरहरू जीमेल, गुगल डक्स र गुगल किपमा आउने अपेक्षा गरिएको छ । डेमोन्स्ट्रेसनका क्रममा कम्पनीले यी नवीन कन्भर्सेसनल फिचरहरू यसै वर्षको गर्मीयामको अन्त्यसम्म चरणबद्ध रूपमा रोलआउट गर्न सुरु गरिने पुष्टि गरेको थियो ।

अब औपचारिक सार्वजनिक सुरुवात हुनुअघि नै गुगलले यी नयाँ कन्भर्सेसनल एआई टुलहरूको जीमेल र गुगल किपमा परीक्षण गरिरहेको देखिएको छ । यी एआई सञ्चालित भ्वाइस फिचरहरू प्रयोगकर्ताले टाइप नगरी केवल आवाजमार्फत आदेश दिएर नोट व्यवस्थित गर्न र दैनिक कामहरू पूरा गर्न सकून् भन्ने उद्देश्यले विकास गरिएको हो । यी फिचरहरू आगामी पिक्सेल ११ सिरिजसँगै सार्वजनिक हुने सम्भावना छ ।