कोकाकोलाले भारतीय बोटलिङ एकाइको आईपीओ ल्याउने, १ अर्ब डलर संकलन हुने अपेक्षा

एजेन्सी । कोकाकोला कम्पनीले आफ्नो भारतीय बोटलिङ इकाईको प्रस्तावित प्राथमिक सेयर निष्काशन (आईपीओ) मा भूमिका निर्वाह गर्नका लागि लगानी बैंकहरूलाई प्रस्ताव पेश गर्न आमन्त्रण गरेको छ । यस सम्झौताबाट करिब १ अर्ब डलर संकलन हुन सक्ने यस मामिलासँग परिचित व्यक्तिहरूले बताएका छन् ।

यस कारोबारका लागि कम्पनीको सल्लाहकारको रूपमा रहेको रोथ्सचाइल्ड एन्ड कम्पनीले हिन्दुस्तान कोकाकोला बेभरेजेज प्रालिको प्रस्तावित सूचीकरणका लागि आगामी साता लन्डनमा सम्भावित बैंकहरूसँग भेटघाट गर्ने कार्यक्रम तय भएको छ । छलफल निजी भएकाले ती व्यक्तिहरूले आफ्नो नाम गोप्य राख्न आग्रह गरेका छन् ।