बालिका करणीको आरोपमा ५३ वर्षीय विक पक्राउ

पर्वत : पर्वतमा एक १२ वर्षीया बालिकलाई जबरजस्ती करणी गरेको आरोपमा प्रहरीले एक ५३ वर्षीय व्यक्तिलाई पक्राउ गरेको छ । प्रहरीले जलजला गाउँपालिका ठोट्नेरी बस्ने ५३ वर्षीय गोरबहादुर विकलाई बुधबार बेलुकी पक्राउ गरेको हो । विकले ती बालिकालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय पर्वत समेतबाट खटिएको प्रहरीले उनलाई पक्राउ गरेको हो ।

यस्तै कञ्चनपुरमा एक १७ वर्षीया बालिकालाई जबरजस्ती करणी गरेको आरोपमा प्रहरीले पुनर्वास नगरपालिका–१० भिमबस्ती बस्ने १९ वर्षीय रमेश ढाँट भन्ने राम ढाँटलाई पक्राउ गरेको छ ।