दक्षिण एसियामा अमेरिकाको ध्यान, भूराजनीतिक संकटका बादल मडारिने संकेत

काठमाडौं । एक्काईसौं शताब्दीको वैश्विक राजनीतिमा शक्तिको सन्तुलन नाटकीय रूपमा पश्चिमबाट पूर्वतर्फ सर्दै गइरहेको छ। यस पृष्ठभूमिमा दोस्रो विश्वयुद्धपछिको लामो समयसम्म पश्चिम एसियामा आफ्नो सैन्य र राजनीतिक ऊर्जा खर्च गरेको अमेरिकाले अहिले आफ्नो रणनीतिक प्राथमिकतामा आमूल परिवर्तन गरेको छ ।

इरान द्वन्द्वले योजना खलबल्याएको भए पनि अब्राहम एकर्ड्स मार्फत पश्चिम एसियामा इजरायल र अरब राष्ट्रहरूबीचको सम्बन्ध सुधार गराएर त्यहाँको तनावलाई एउटा निश्चित विन्दुमा व्यवस्थापनका लागि अमेरिकाले प्रयास गरिरहेको छ । त्यससँगै वाशिङटनले अहिले आफ्नो सम्पूर्ण ध्यान एसिया–प्रशान्त क्षेत्रमा केन्द्रित गर्न खोजेको छ । चीनको बढ्दो प्रभावलाई रोक्नु वा ‘कन्टेन’ गर्नु यस रणनीतिको मुख्य उद्देश्य हो ।