स्याङ्जाका ११ वटै पालिकाको बजेट सार्वजनिक, जिल्लाभर ६ अर्ब ९८ करोड बिनियोजन

स्याङ्जा : स्याङ्जाका ११ वटै स्थानीय तहले आर्थिक वर्ष २०८३/८४ का लागि बजेट सार्वजनिक गरेका छन् । नगरपालिकामा उपप्रमुख र गाउँपालिकामा उपाध्यक्षले आउदो आर्थिक बर्षका लागि बजेट सार्वजनिकरण गरेका हुन् ।

जिल्लाका ५ नगरपालिका र छ गाउँपालिकाले ६ अर्ब ९८ करोड ४२ लाख ८७ हजार ४७३ रुपैंयाँको बजेट सार्वजनिक गरेका हुन् । पूँजीगतभन्दा कतै दोब्बर भन्दा बढी र कतै झण्डै तेब्बरको अंकमा चालु पुँजीमा रकम बिनियोजन भएको छ । पुतलीबजार नगरपालिकाले ९६ करोड ७३ लाख १६ हजार ४ सय रुपैंयाँको बजेट सार्वजनिक गरेको छ । बजेटको ६६ करोड २० लाख ४७ हजार चालुतर्फ र ३० करोड ५२ लाख ६८ हजार पुँजीगततर्फ विनियोजन गरेको छ ।