'बजेटमा पशुपतिनाथको नामै छैन, बागमतीमा ढल मिसिँदा पनि सरकार मौन'

काठमाडौँ । प्रमुख प्रतिपक्ष दल नेपाली कांग्रेसकी राष्ट्रिय सभा सांसद विष्णुदेवी पुडासैनीले सरकारले पशुपतिनाथ मन्दिरको व्यवस्थापन र संरक्षणका लागि बजेट विनियोजन नगरेको भन्दै असन्तुष्टि व्यक्त गरेकी छन्।

बिहीबार राष्ट्रिय सभा बैठकमा संस्कृति, पर्यटन तथा नागरिक उड्डयन मन्त्रालयको विनियोजन शीर्षकमाथिको छलफलमा भाग लिँदै उनले बजेटमा पशुपतिनाथको नाम कतै पनि उल्लेख नभएको भन्दै आपत्ति जनाइन्।