‘युजरनेम’ फिचरले ठगी बढाउने चिन्ता, भारतले ह्वाट्सएपसँग माग्यो जवाफ

काठमाडौं । भारत सरकारले मेटाको स्वामित्वमा रहेको ह्वाट्सएपलाई प्रस्तावित ‘युजरनेम’ फिचर तत्काल लागू नगर्न निर्देशन दिएको छ । सरकारले कम्पनीलाई यस फिचरबारे विस्तृत जानकारी र आवश्यक कागजातसहित तीन दिनभित्र स्पष्टीकरण पेश गर्न पनि भनेको छ ।

भारतीय सञ्चारमाध्यमका अनुसार सरकारले यो फिचरले अनलाइन ठगी, फिसिङ, स्पूफिङ तथा नक्कली पहिचान प्रयोग गरी हुने अपराध बढ्न सक्ने आशंका व्यक्त गरेको छ । फोन नम्बर सार्वजनिक नगरी युजरनेममार्फत कुराकानी गर्न सकिने व्यवस्था दुरुपयोग हुन सक्ने सरकारको भनाइ छ ।