मंगल ग्रहमा संचालन गर्नका लागि ब्लु ओरिजिनले दूरसञ्चार नेटवर्क बनाउने

नासाले ब्लु ओरिजिनलाई मंगल ग्रहमा दूरसञ्चार नेटवर्क विकास गर्ने ठेक्का दिएको घोषणा गरेको छ। कम्पनीले नासाका लागि सन् २०२८ डिसेम्बर ३१ सम्ममा उच्च क्षमताको मंगल दूरसञ्चार कक्षीय यान निर्माण गर्नेछ।

यो सम्झौताको सम्भावित मूल्य ७० करोड अमेरिकी डलरसम्म रहेको छ। सञ्चालनमा आएपछि उक्त कक्षीय यानले मंगल ग्रहमा र यसको वरिपरि सञ्चालन भइरहेका अन्तरिक्षयानका लागि ‘वैज्ञानिक तथ्यांक, तस्बिर, नेभिगेसनसम्बन्धी जानकारी र महत्वपूर्ण मिसन सञ्चार’ पठाउनेछ।