गुगलले ईयूमा हार्‍यो ४ अर्ब १० करोड यूरो जरिवानाविरुद्धको मुद्दा

ब्रसेल्स । युरोपेली सङ्घ (ईयू)को सर्वोच्च अदालतले एन्ड्रोइड मोबाइल अपरेटिङ सिस्टममार्फत प्रतिस्पर्धात्मक वातावरण मिचेको ठहर गर्दै गुगलमाथि लगाइएको ४ अर्ब १० करोड युरो जरिवाना कायम राखेको छ ।

ईयूको सर्वोच्च अदालतले बिहीबार गुगल र यसको मातृ कम्पनी अल्फाबेटले दायर गरेको पुनरावेदन खारेज गर्दै युरोपेली आयोगको निर्णयलाई सदर गरेको हो । यसलाई युरोपमा ठूला प्रविधि कम्पनीमाथिको नियमन थप कडा हुने संकेतका रूपमा हेरिएको छ ।