विष्णु पौडेललाई तेस्रोपटक ६ दिन म्याद थप

सम्पत्ति शुद्धीकरणको कसुरमा अनुसन्धानका लागि हिरासतमा रहेका नेकपा (एमाले) का उपाध्यक्ष एवं पूर्वअर्थमन्त्री विष्णु पौडेलविरुद्ध थप ६ दिन म्याद थप भएको छ।

विशेष अदालतका न्यायाधीशहरू हेमन्त रावल, डिल्लीरत्न श्रेष्ठ र उमेश कोइरालाको इजलासले बिहीबार तेस्रोपटक म्याद थपको आदेश दिएको हो। सम्पत्ति शुद्धीकरण अनुसन्धान विभागले म्याद थपका निम्ति पौडेललाई अदालतमा पेस गरेको थियो।